बाख्रामा पेट फुल्ने समस्या

….बाख्रामा पेट फूल्ने समस्या….

पशुलाई धेरै प्रोटिनयुक्त ताजा कोसेघासँहरु जस्तै- क्लोभर, बर्सीम , आदी खवुाउँदा पेट फुल्न सक्ने भएकाले त्यस्ता घाँसहरु ओइलाएर मात्र खवुाउनु पर्दछ। पशुहरुलाई बिहानीको शीत ओभाईसकेपछी मात्र चराउन लैजानु पर्दछ ।
घाँस खाएर बान्ता गर्ने, छेरौटी लाग्ने र पेट फुल्ने समस्याको समयमा उपचार नभएमा पशु मर्न सक्छ । २–५ चिया चम्चा म्याग्नेसियम सल्फेट ३०० मि.लि. पानीमा मिसाई प्रति बयस्क बाख्रालाई खुवाउन सकिन्छ । विष हटाउने औषधी (एण्टिडोट) सुई दिएर उपचार गर्न सकिन्छ ।

सिर्जना जातको गोलभेंडा बारे जानकारी

सिर्जना जातको गोलभेंडा बारे जानकारी
==========================
------------------------------------------------
सिर्जना जातको गोलभेंडाको पोथी लाइन (HRD 1)तथा भाले लाइन (HRD 17) भारतबाट ल्याई केही वर्ष पहिले छनोट गरिएको थियो ।प्रति रोपनी फल उत्पादनः ५ देखि ५.५ मे. टन हुन्छ।

#बिरुवा_रोप्ने_समय
तराईमाः भदौ देखि पुससम्म (खुला खेतबारीमा)

मध्य पहाडमाः फागुन, चैत (खुला खेतबारीमा)

मध्य पहाडमा (बेमौसमी खेती) असार, साउन (प्लास्टिक घरभित्र)

डाथ र फल गवारो (brinjal shoot and fruit borer)

डाथ र फल गवारो (brinjal shoot and fruit borer) ) :

हानि गर्ने किराको अवस्था: लाभ्रे

बस्ने ठाउ: कलिलो डाथ र फल

किराको परिचय: गाढा खैरो दागहरु भएको फिक्का गुलाबि रङको लाभ्रे
 
रोकथामका उपायहरु: किरा देखिनासाथ मलाथिअन ५० इ.सी. प्रतिलिटर पानीमा १ मि ली को झोलको प्रयोग गर्ने।

के हो कोलेस्ट्रोल ?

विशेषगरी रगतमा पाइने बोसोलाई काेलेस्ट्रोल भनिन्छ। कलेजोबाट उत्पादन हुने कोलेस्ट्रोल स्वस्थ जीवनका लागि आवश्यक छ। तर, कतिपय अवस्थामा यो आवश्यकताभन्दा बढी हुन्छ। यस्तो भएमा शरीरमा नकारात्मक असर पुग्छ।

शरीरमा अनावश्यक काेलेस्ट्राेल जम्मा हुन नदिन यी उपाय अपनाउनु पर्छ–

नियमित व्यायाम वा अन्य शारीरिक अभ्यास गरेर कोलेस्ट्रोलको मात्रा घटाउन सकिन्छ।

शरीरमा भिटामिन डीको कमी भई कोलेस्ट्रोलको मात्रा बढ्छ। तसर्थ, सकेसम्म दिनमा एकपटक घाममा बस्नुपर्छ।

चिल्लो, भुटेको, तारेका खानेकुरा खानुहुँदैन। फास्टफुड पनि नखाएकै बेस। किनकि, यस्ता खाद्यपदार्थले शरीरमा अत्यधिक कोलेस्ट्रोल उत्पादन गर्छन् ।

सकेसम्म शाकाहारी भोजन गर्नु लाभदायक हुन्छ। ताजा तरकारी र मौसमी फलफूल खानुपर्छ। स्याचुरेटेड फ्याट बढी मात्रामा पाइने माछा, मासु, अन्डाको भित्री भाग कम खानुपर्छ।

धूमपान र मद्यपानजस्ता कुलतबाट टाढा रहनुपर्छ।

गजल

तिमीले छिद्रा नपारेको भए निष्ठुरी बनेर।
यो बाँस बज्ने थिएन अाज मुरली बनेर।

छातीभरि बालुवा  थुपारेर फर्किएछन्,
जो अाएका थिए बगाउँछु भन्दै बाढी बनेर।

तिम्रो हेराइले लाग्यो -केही त  छ मभित्र,
अाफैलाई हेर्ने मन भयो एकपटक तिमी बनेर।

तिमी अाए थ्यौ मुहारमा पिम्पल अाएजस्तो,
बेइमान सम्झना अाइदियो जुँगारेखी बनेर।

कोसेलीमा जरुर जून तारा त ल्याउनु भयो ,
दिन हुनुहुन्थ्यो तर अाउनुभयो राति बनेर।

© कृष्णप्रसाद अर्याल

प्रदिप दाइ यो गजल हो कि आगो🔥🔥??

प्रदिप दाइको यो गजल हो कि आगो🔥🔥??

काख रित्तिएकी आमा रोइरहन्छिन पिर लिएर!

सरकार सालिक खोज्दै हिँड्छ अबिर लिएर!

सिँढी छेउमा बा भोको पेट छाम्दै बसिरहेछन्,

छोरो त्यही बाटो मन्दिर छिर्यो खिर लिएर!

फर्किँदा ऊ दुष्मनको पाइजामा बोकेर आयो,

जाने बेलामा आउँछु भन्थ्यो काटेको शिर लिएर

मेरै प्रेमिका लिएर मुस्कुराउँदै हिँडेको छ ऊ,

म रुँदै हिँडेको छु उनको पुरानो तस्बिर लिएर!

अरुको कृपामा बाँच्नुपरेको छैन तिमीले झैँ,

कमसेकम म बाँचेको छु आफ्नै तक्दिर लिएर!

प्रदीप रोदन

ग़ज़ल—शहिद दिवस

सहिदको बलिदानको उपहास नहोस्
आन्दोलनको उपलब्धि जुवातास नहोस्

गरिब-धनी बीचको खाडल गहिरिंदै छ अझै
समानताको नारा केबल बकबास नहोस्

थामिएनन् असहायका आंखाबाट बग्न आंसु
बिपन्नलाइ भोको नाङ्गो आभास नहोस्

आधुनिकताको नाउँमा भित्रिंदैछ छाडापन
आफ्नै रीति संस्कृतिको बिनास नहोस्

विकास र समृद्धि तर्फ बढ्नु पर्छ सरकार
केहि गर्न नसक्ने जिउँदो लास नहोस्

—मुकुन्द पौडेल