मेरी आमा

मेरी आमा एउटी नारी

      ( कविता )
नाम उनको थर बाबाको!
शिर उनको सिन्दुर बाबाको!
घाँटी उनको पोते बाबाको!
जिन्दगी उनको क्रम बाबाको!!

आखिर किन यस्तो ???

दस महिना गर्भ गरि मलाई उनले जन्माउने!
दुनियाँमा म चाहिँ बाबा को नाम मा चिन्निने!
मैले राम्रो काम गर्दा बाबा लाई बधाई दिन्छन्!
मैले नराम्रो काम गर्दा आमाको काख सराप्छन्!!

आखिर किन यस्तो ???

देवी स्वरुप आमा भन्छन् , देवी स्थान जान नहुने!
ती  देवी  नी  नारी  नै हुन् , उनलाई  चाहिँ  मान्ने!
आखिर किन हर जग्गा नारी लाई नीच देखाउँछन्!
शास्त्र ले नी यै भन्छ र ??? यात पुरुष बनाउँछन्!!

आखिर किन यस्तो ???

बाबाले नखाई उनले खान नहुने!
तीज मा उनी भोकै बस्दा बाबाको आयु बढ्ने!
खै ! कस्तो हो कस्तो बुझ्नै पर्यो गार्‍हो!
त्यसैले गर्छु यहीँ प्रश्न , आखिर किन यस्तो ???

                                   ( जीवन अचार्य )
**************************************

बाबा र आमा सबै का लागि एकै हुन् ,, यो कविता मा मैले बाबा र आमाको तुलना गर्न खोजेको हैन । शायद पुरुषको नजर ले पढ्दा त्यस्तो बन्न पनि सक्छ । तर मेरो त्यस्तो उदेश्य थिएन । गल्ती भए माफी र त्रुटी भए क्षमा चाहान्छु ।।